ක්‍රිකට් – එංගලන්ත කණ්ඩායමේ ඉන්දියානු සංචාරයේ සත්කාරකත්වයට ශ්‍රී ලංකාව එකඟවේ.

අළු බඳුන තරඟයේදී එන්ගලන්ත කණ්ඩායමේ ලකුණු 14 විශ්මිත ජයග්‍රහණය. චායාරූපය GETTY IMAGE වෙතිනි.

පැතිර ඇති COVID-19 වසංගතය හේතුවෙන් අවශ්‍ය වුවහොත් ලබන වසරේ මුලදී ඉංදියාවේ පැවත්වීමට නියමිත එංගලන්ත ටෙස්ට් තරගාවලිය ශ්‍රී ලංකාවේදී පැවැත්වීමට ශ්‍රී ලංකා ක්‍රිකට් පාලක මණ්ඩලය (SLC) කැමැත්ත පළ කර තිබේ.

COVID-19 ඉන්දියාව තුල පැතිරයාම ඉහළ යාමත් සමඟ එංගලන්තය ලබන වසරේ මුලදී ඉන්දියාවේ පැවැත්වීමට නියමිත තරග පහක ටෙස්ට් තරගාවලිය සැක සහිත විය හැකි අතර තරඟයට සත්කාරකත්වය සැපයීම සඳහා ශ්‍රී ලංකා ක්‍රිකට් ආයතනය කැමැත්තෙන් සිටින බව ‘ද අයිලන්ඩ්’ හි ක්‍රීඩා වාර්තාකරු රෙක්ස් ක්ලෙමන්ට් වාර්තා කරයි.

ලබන වසරේ ජනවාරි මාසයේදී ශ්‍රී ලංකාවේදී පැවැත්වෙන ටෙස්ට් තරග දෙකෙන් පසුව එංගලන්තය ඉන්දියාවට එරෙහි තරගාවලියට ක්‍රීඩා කිරීම සඳහා නැවතී සිටීමේ හැකියාවක් පවතින බව වාර්තාව පවසයි. මේ වසරේ මාර්තු මාසයේදී කල්දැමූ තරගමාලාව අවසන් කිරීම සඳහා එංගලන්තය නැවත ශ්‍රී ලංකාවට පැමිණීමට නියමිතය.

“ශ්‍රී ලංකාවේදී ටෙස්ට් තරග දෙකකින් පසුව ඉන්දියාවට එරෙහි තරඟාවලිය අවසන් කිරීම සඳහා එංගලන්තය කණ්ඩායමට නැවතී සිටීමේ හැකියාව පිළිබඳව යම්කිසි අදහසක් ලබා දී ඇත.

කොවිඩ් වසංගතය නිසා පසුගිය මාර්තු මාසයේ තරග දෙකකින් යුක්ත වූ ටෙස්ට් තරගමාලාවට සූදානම් වෙමින් සිටියදී එංගලන්ත කණ්ඩායම ආපසු මව් රටට ගියේ ලබන ජනවාරි වලදී නැවත තරඟ කිරීමේ බලාපොරොත්තුවෙනි.

ඉන්දියාවේ වසංගතය හේතුවෙන් සැප්තැම්බර් මාසයේ නියමිතව තිබූ එංගලන්තයේ සීමිත පන්දුවාර චාරිකාව කල් දමා ඇති ඒ නිසා අතර අයි පී එල් තරඟාවලිය එක්සත් අරාබි එමීර් රාජ්‍යය වෙත මාරු කිරීමට ජාත්‍යන්තර ක්‍රිකට් කවුන්සිලයට සිදු විය.

කෙසේ වෙතත් මේ මොහොතේ එවැනි යොජනාවකට එකඟ වීමට ජාත්‍යන්තර ක්‍රිකට් කවුන්සිලයට නො⁣හැකි බව බවසන එහි ජේශ්ඨ නිළධාරියෙක් “එවැනි යෝජනාවක් ඉදිරිපත් කිරීමට තව මාස හතරක් පමණ ඇත”  යැයි නිර්ණාමික ⁣කොන්දේසි මත පැවසීය.

කොවිඩ් 19 සම්බන්ධයෙන් ඉන්දියාවට වඩා ලංකාව යහපත් තත්වයේ ඇති නමුත් ප්‍රීමියම් ලීග් තරඟාවලියේ සත්කාරකත්වය සඳහා ශ්‍රී ලංකා ක්‍රිකට් ආයතනය ගත් උත්සාහය ලබන නොවෙම්බර් වන තුරු කල් ගොස් ඇත. බංගලාදේශ තරඟාවලිය පසුගිය ජූලි මාසයේදී කල් ගිය පසු එය ඔක්තෝබරයේදී පැවත්වෙනු ඇතැයි බලාපොරොත්තුවේ.